Dúbidas

Velaquí as respostas ás preguntas máis frecuentes acerca dos costavales:

Advertimos de que estes textos son meramente informativos e que deben consultarse as normas oficiais permanentemente actualizadas no wiki dos costavales.

De onde ven ese nome de “costavales”?

O nome de costavales integra o significado de vales, e o termo costa referido á Costa da Morte, aínda que tamén tería o segundo significado de costar, valer, en referencia ao prezo.

Ver todas

Como conseguen os clientes os vales?

Un persoa da Costa da Morte pode conseguir os seus vales das seguintes formas:

  • Como agasallo nas compras dos propios comercios. P.ex. “por cada 50 euros de compra, levas 5 costavales para gastares aquí ou noutros comercios da zona”.
  • Como premio en sorteos efectuados por diversas entidades.
  • Mercando os vales, é dicir entregando euros por eles. P.ex. unha persoa entrega 20 euros e recibe 20 costavales.
  • (Outras que iremos anunciando no futuro.)

IMPORTANTE: Este texto é meramente informativo. Consulta as normas oficiais permanentemente actualizadas no wiki dos costavales.

Ver todas

Quen emite os vales?

Os vales son emitidos pola Asociación Costavales, inscrita co nº 2014/018969 no Rexistro de Asociacións da Xunta de Galicia.

Ver todas

Os costavales son convertibles en euros?

Os vales son convertibles en euros, pero só por aqueles comercios, negocios e outras entidades que participen expresamente no sistema mediante a sinatura dun acordo escrito. É dicir, os clientes particulares só poderían utilizalos para pagar nos comercios e non poden obter euros por eles.

O valor de conversión sería do 90% do valor nominal. É dicir, se un comercio quere converter en euros 1.000 cv (costavales), a Entidade Xestora entregaríalle en troca 900 euros.

Por comodidade, as conversións só se permiten en múltiplos de 50 costavales.

IMPORTANTE: Este texto é meramente informativo. Consulta as normas oficiais permanentemente actualizadas no wiki dos costavales.

Ver todas

Son coleccionista. Podo comprar billetes de costavales desde fóra da Costa da Morte?

Podes. Para iso debes poñerte en contacto coa Asociación Costavales no enderezo de contacto para que che deamos indicacións dos medios de pagamento e envío posibles.

Ver todas

Deixa un comentario

A que esperas para usares os costavales ti tamén?