Category Archives: Novas

  • 0
Convite á presentación dos Costavales (16/10/2015)

Presentamos os costavales en sociedade este venres 16

Tags : 

Este venres 16 de outubro terá lugar o acto de lanzamento oficial dos Costavales e da Asociación Costavales, da man da entidade impulsora: a Asociación de Empresarios de Santa Comba.

O acto terá lugar no Salón de actos do Edifición multiusos de Santa Comba, ás 21:00 h, e contará coa presenza de autoridades, medios de comunicación e de Xoán Ramón Doldán García (profesor de Economía Aplicada na Universidade de Santiago de Compostela) e mais de Manuel Casal Lodeiro, asesor en moedas complementarias.

É preciso confirmar asistencia previamente no noso teléfono ou correo electrónico de contacto.

Convite á presentación dos Costavales (16/10/2015)

A Asociación de Empresarios de Santa Comba presentará oficialmente neste acto os Costavales, un sistema de vales para utilizar nos comercios adheridos a este proxecto. Co obxectivo de que se extendan por toda a Costa da Morte, pretende ser unha ferramenta para fidelizar clientes nos comercios locais, aumentar os intercambios comerciais entre as propias empresas da comarca, axudar ás necesidades da poboación máis desfavorecida ou facer de reclamo publicitario.

O proxecto conta co apoio da FECOM (Federación de Empresarios da Costa da Morte), e coa participación do Concello de Santa Comba, o Concello de Ponteceso e tamén da Asociación de Empresarios desta localidade.

(Difunde o evento en Facebook!)


  • 0

Seromavi e Tanara Shop, novos comercios adheridos

Tags : 

A pasada semana uníronse aos costavales dous novos negocios de Santa Comba: Tanara Baby shop (puericultura e roupa de nenos e nenas) e SEROMAVI (almacén de materiais de construción). Dámoslles a benvida e informamos de que Tanara acepta o 50% do importe das compras en costavales e Seromavi, o 100%.

Tedes os datos para contactardes con eles, nas súas respectivas páxinas dentro do noso web: SEROMAVI e Tanara.


  • 0

Números premiados no sorteo de 1.500 costavales do 18 de setembro

Tags : 

A Asociación de Empresarios de Santa Comba celebrou onte o sorteo de 15 premios de 100 costavales cada un, entre as persoas que recibiran os boletos como agasallo nas compras realizadas en diversos comercios da localidade. Velaquí a listaxe de números que resultaron afortunados e que recibirán cada un 100 costavales para mercar nos estabelecementos participantes no noso sistema:

Número Quen o repartiu
02.186 Arco Iris
04.157 Hotel Xallas
04.270 A Landra
04.814 Cepsa Santa Comba
05.604 Citania Interiorismo
06.267 Casa Lois
07.007 Zapatería Andares
09.055 A Casa da Carne
17.158 Electrodomésticos Sampedro
17.579 Cafetería Talladas
23.538 Ferralla do Xallas
24.922 Talleres Jarama
28.365 Clínica Dental Erwin
33.909 Foto Teca
39.044 Pisotones

Anverso do billete de 20 costavales (ESPÉCIME)Anverso do billete de 20 costavales (ESPÉCIME)Anverso do billete de 20 costavales (ESPÉCIME)Anverso do billete de 20 costavales (ESPÉCIME)Anverso do billete de 20 costavales (ESPÉCIME)

Lembramos que para recoller o premio (os 100 costavales) hai que pasar polas oficinas da Asociación de Empresarios (Rúa Pontevedra nº 9 — Santa Combra, de luns a venres en horario de 10 a 14 h) e que o derradeiro día para recollelos será o 31/10/2015.


  • 0

Participantes non comerciais

Tags : 

Coa incorporación do Concello de Santa Comba e de Cáritas parroquial, xa son tres as entidades non lucrativas que participan dunha ou outra maneira no sistema dos costavales. Xa que logo, vimos de introducir unha diferenciación na nosa listaxe de participantes, entre aquelas entidades comerciais (empresas, comercios e profesionais) e as non lucrativas (ONGs, entidades deportivas, administración pública, etc.).

O Concello de Santa Comba comprometeuse a promocionar os costavales e a entregar os premios que conceda usando os nosos vales. Cáritas, pola súa banda, aceptará doativos tamén en costavales. A outra entidade —e primeira non lucrativa en aceptalos— lembramos que é o Xallas F.C.

Próximamente iremos anunciando novas entidades que se van incorporando aos costavales.


  • 0

Novas adhesións aos costavales neste final de verán

Tags : 

Ao longo deste verán, novos comercios de Santa Comba se adheriron aos costavales, aceptándoos en diversa medida para as compras que realicemos neles, elevando o número total de adheridos a 16 participantes, cifra que segue a medrar.

As últimas incorporacións (indicando os costavales que aceptan) foron:

Lembra que na nosa páxina de participantes tes a listaxe completa xunto cun plano de Santa Comba para os localizares.

Boas compras cos teus costavales!


  • 0

A zapataría Pisotones modifica as súas condicións de aceptación de costavales

Tags : 

Damos aviso de que a partir de hoxe, a tenda de calzado infantil e xuvenil, pasa a aceptar o 50% de cada pagamento en costavales.

icon-car.pngKML-LogoFullscreen-LogoGeoJSON-LogoGeoRSS-Logo
Pisotones

cargando mapa - por favor, espere...

Pisotones 43.032644, -8.810234 Pisotones.

  • 0

Ponse en marcha o sorteo de 1.500 costavales nos comercios de Santa Comba

Tags : 

A Asociación de Empresarios de Santa Comba vén de poñer en marcha unha campaña baixo o lema de Merca no teu pobo, sairás gañando coa que pretende darlle pulo ao comercio local, e para a que vén de poñer en circulación 1.500 costavales que serán sorteados entre os clientes dos diversos comercios participantes.

As persoas que realicen compras nestes comercios, recibirán boletos que lles darán dereito a participar no sorteo de 15 premios de 100 costavales. O sorteo terá lugar ás 12 h do día 18 de setembro no Colexio Público Barrié de la Maza, e as persoas gañadoras deberán recoller os seus premios antes do día 31 de outubro na sede da Asociación de Empresarios de Santa Comba. Os números gañadores tamén serán anunciados no web dos Costavales, na nosa páxina en Facebook e mais na da Asociación de Empresarios.

cartaz-veran-2015-empresarios-santa-comba-sorteo-costavales-w1400


  • 0

Presentamos as nosas primeiras 8 entidades participantes

Tags : 

Desde hoxe as veciñas e veciños de Santa Comba dispoñen xa de 7 establecementos comerciais ademais do equipo de fútbol local, o Xallas FC, onde poder empregar os seus costavales.

Pódense consultar co detalle de cada entidade na nova páxina de Participantes nos costavales, onde tamén se ofrece un mapa interactivo para as localizar. Proximamente iremos engadindo nesa mesma páxina e no mapa que se pode visualizar en todo o noso web, todos aqueles comercios que se vaian unindo a nós. E ti… a que esperas para te unires aos costavales?

captura-mapa-participantes-20150714-1022


A que esperas para usares os costavales ti tamén?